რობერტ დე ნირო, უმც. (Robert De Niro Jr. დ. 17 აგვისტო, 1943) – ამერიკის კინოაკადემიის ოსკარის მფლობელი, ამერიკელი კინომსახიობი, რეჟისორი, პროდიუსერი და ტრიბეკას კინოფესტივალის დამფუძნებელი. მისი თაობის ერთ-ერთ საუკეთესო მსახიობად აღიარებული, განსაკუთრებით ცნობილია შავი სამყაროს განგსტერების, კონფლიქტური ხასიათების როლებითა და მრავალწლიანი თანამშრომლობით კინორეჟისორ მარტინ სკორსეზესთან. სახელი გაითქვა ფილმებით: „ნათლიმამა II“ (The Godfather Part II), „ტაქსის მძღოლი“ (Taxi Driver), „ცოფიანი ხარი“ (Raging Bull), „დიდებული ბიჭები“ (Goodfellas) და „ხელშეუხებლები“ (The Untouchables).
დე ნირო ერთადერთი ამერიკელი მსახიობია, რომელმაც ოსკარი მიიღო ამერიკულ ფილმში, სადაც ინგლისურად თითქმის არაფერს ამბობს („ნათლიმამა II“; ფილმში ის თითქმის სულ იტალიურად ლაპარაკობს, ინგლისური სუბტიტრებით და მხოლოდ აქაიქ იყენებს ინგლისურ ფრაზებს.
რობერტ დე ნიროს ფილმოგრაფია ითვლის 73 ფილს, ამათგან უდიდეს ნაწილში მთავარი როლი აქვს ნათამაშები, მცირე ნაწილი მეორე ხარისხოვანი და უფრო მცირე საკუთარი რეჟისურით. პირველი ფილმი, რომელშიც ითამაშა სადილის კლიენტი, იყო Three Rooms in Manhattan, 10 ნოემბერს, 1965 წელს, ხოლო ამჟამად ბოლო ფილმია Righteous Kill (12 სექტემბერი, 2008), სადაც ითამაშა დეტექტივი ტომას კოვეინი, ალ პაჩინოსთან ერთად. დაგეგმილია კიდევ 5 ახალი ფილმის გადაღება 2009-2010 წწ. დე ნირო ამავდროულად არის 17 ფილმის პროდიუსერი.
| აკადემიის ჯილდოები |
|
საუკეთესო მსახიობი
1980 ცოფიანი ხარი
საუკეთესო მეორეხარისხოვანი მსახიობი
1974 ნათლიმამა II |
| ოქროს გლობუსის ჯილდოები |
|
საუკეთესო მსახიობი
1980 ცოფიანი ხარი |
| სხვა ჯილდოები |
|
NYFCC-ს ჯილდო: საუკეთესო მეორეხარისხოვანი მსახიობი
1973 Bang the Drum Slowly
NYFCC-ს ჯილდო: საუკეთესო მსახიობი
1976 ტაქსის მძღოლი
1980 ცოფიანი ხარი
1990 დიდებული ბიჭები ; გამოფხიზლება
NBR ჯილდო: საუკეთესო მსახიობი
1980 ცოფიანი ხარი
1990 გამოფხიზლება
კარიერის ოქროს ლომი
1993 მიღწევები
AFI Life Achievement Award
|
Filmography 
